MUFIC-ONLINE

منتدي طلاب حاسبات المنوفية منتدي تجريبى برمجة شبكات علوم حاسب شبكات JAVA c#.NET, NETWORKING, VISUAL basic 6, vb.net, flash, photoshop 3D max
 
الرئيسيةاليوميةبحـثالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» مجموعة قصص الف ليلة وليلة
الجمعة فبراير 27, 2009 11:01 pm من طرف THE PHANTOM

» الشباب الكول علي فين!؟
الجمعة فبراير 27, 2009 10:53 pm من طرف THE PHANTOM

» سجل حضورك بالصلاة على الرسول الكريم
الأربعاء فبراير 25, 2009 12:17 am من طرف مجدى باشا عيسي بية

» كيف ترضى الرجل؟؟
السبت يناير 24, 2009 11:56 pm من طرف El mahraby

» مؤتمر SQLserver مجاني
الخميس يناير 22, 2009 11:04 pm من طرف fatma elraee

» الحق وسجل نفسك فى مسابقه المبدعين
الأربعاء يناير 21, 2009 11:20 pm من طرف mostafa saleh

» سكاشن البرفرال الباقية
الثلاثاء يناير 20, 2009 12:28 pm من طرف Dina_cs

» سطور الحياة
الأحد يناير 18, 2009 9:19 pm من طرف fatma elraee

» كيف حصل الفراعنة على كل هذا الذهب ؟؟
السبت يناير 17, 2009 4:54 pm من طرف 11111

احصائيات
هذا المنتدى يتوفر على 157 عُضو.
آخر عُضو مُسجل هو annaba فمرحباً به.

أعضاؤنا قدموا 5510 مساهمة في هذا المنتدى في 923 موضوع
المتواجدون الآن ؟
ككل هناك 0 عُضو متصل حالياً 0 عضو مُسجل, 0 عُضو مُختفي و 0 زائر :: 1 روبوت الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 28 بتاريخ الأحد مايو 24, 2015 11:25 am
تسجيل صفحاتك المفضلة في مواقع خارجية
تسجيل صفحاتك المفضلة في مواقع خارجية digg  تسجيل صفحاتك المفضلة في مواقع خارجية delicious  تسجيل صفحاتك المفضلة في مواقع خارجية reddit  تسجيل صفحاتك المفضلة في مواقع خارجية stumbleupon  تسجيل صفحاتك المفضلة في مواقع خارجية slashdot  تسجيل صفحاتك المفضلة في مواقع خارجية yahoo  تسجيل صفحاتك المفضلة في مواقع خارجية google  تسجيل صفحاتك المفضلة في مواقع خارجية blogmarks  تسجيل صفحاتك المفضلة في مواقع خارجية live      

قم بحفض و مشاطرة الرابط MUFIC-ONLINE على موقع حفض الصفحات

قم بحفض و مشاطرة الرابط MUFIC-ONLINE على موقع حفض الصفحات

شاطر | 
 

 كيف تصبح مصمم ناجح فى شركه دعايه واعلان(تمهيد لابد منه)

اذهب الى الأسفل 
كاتب الموضوعرسالة
sh.m.elaraby
mufic _student
mufic _student
avatar

المساهمات : 65
تاريخ التسجيل : 04/12/2008
العمر : 28

مُساهمةموضوع: كيف تصبح مصمم ناجح فى شركه دعايه واعلان(تمهيد لابد منه)   السبت ديسمبر 06, 2008 5:23 pm

بسم الله الرحمن الرحيم

نبتدى موضوعنا على بركه الله
أولا يا جماعه علشان تكون مصمم جرافيك ناجح فى شركه دعايه واعلان لازم يكون عندك فكره عن الدعايه والاعلان قبل ما تتقدم لاى شركه لان ده اول سؤال بيتوجه ليك من مدير الشركه لما بتروح تتقدم وكمان مش معقوله ان شركه دعايه تشغلك مصمم اعلانى عندها وانت متعرفش يعنى ايه دعايه ويعنى ايه اعلان
علشان كده اول جزئيه حنبدأ بيها هيا التعريف بالدعايه والاعلان لان الجزئيه دى مهمه جدا لاى مصمم اعلانى والجزئيه دى لو استوعبتها كويس وفهمتها جامد حتأثر عليك بعد كده فى شغلك وحتفرق معاك جامد بجد وانتوا حتحسوا بكده لما ندخل فى باقى الجزئيات التانيه ان شاء الله
ايه هيا الدعايه والاعلان ؟؟؟؟؟
ناخد المعنى العام للعباره وهوه ( الاعلان )
الاعلان ده يا جماعه زى ما موسوعه ويكيبيديا بتقول هو احد الأنشطه الاعلاميه التى لا غنى عنها للأنشطه الاقتصاديه من صناعه وتجاره وخدمات وغيرها من الانشطه الاقتصاديه وكذلك بالنسبه للمؤسسات والجمعيات الخيريه الغير ربحيه والتى بدون الإعلان عن مجهوداتها فلن تحصل على الدعم المجتمعى والتمويل المادى اللازم لاستمرارها فى عملها وادائها لرسالتها
نفسر بقى العباره بتأنى
اول جزء بيتعرض لاهميه الاعلان للانشطه الاقتصاديه وان اى نشاط اقتصادى سواء كان صناعه ( مصنع سيراميك مثلا) او تجاره (شركه توزيع مواد غذائيه ) او خدمات ( شركات الاتصالات )
اى نشاط من دول بيحتاج الدعايه جدا جدا جدا بغض النظر عن جوده المنتج او الخدمه اللى بيأديها
تخيل مثلا مصنع سيرميك ( كمثال ) فتح باستثمارات كبيره وبعد ما انتج معملش اعلانات فى التليفزيون او الجرايد عن انتاجه هل تتخيلوا انه ممكن يبيع بلاطه واحده
نبص برضه لشركات الاتصالات بصفتها اكبر ناس بتعمل دعايه دلوقتى لنفسها
ليه شركات الاتصالات عندنا فى مصر بتصرف ملايين على الدعايه
ليه كل ما تدخل شارع وتبص على السنترالات اللى فيه تلاقى اليفط بتاعته عاملاها شركه من شركات الاتصالات ؟
ليه شركات الاتصالات محاصرانا بكميه اعلانات مهوله فى التليفزيون والجرايد وفى الشارع وفى المناسبات
الاجابه يا جماعه علشان كل شركه عاوزه عدد المشتركين اللى عندها يزيد وكمان استهلاك المشتركين بتوعها يزيد
نيجى برضه لجزئيه الجمعيات الخيريه وهى ان الجمعيات الخيريه من غير ان اعلان عن نفسها مش حتاخد اى دعم نهائى
تخيل كده مستشفى الاطفال اللى لسه فاتحينها لو مكانوش عملوا ليها دعايه هل كانت حتتفتح اساسا
الاجابه طبعا لأ
معلش يا جماعه انا باطول عليكوا شويه فى الاول بس علشان ادخل فكره الدعايه فى دماغكم صح لان فيه ناس كتيره اوى فاهماها غلط
نفك دماغنا بقى دلوقتى من الامثله الكبيره بتاعه الشركات والمصانع وشركات الاتصالات ونروح للأمثله الصغيره اللى موجوده فى شوارعنا
الجزار مثلا اللى فى منطقتك
هل انت متخيل ان الجزار ده بيعمل دعايه
طبعا بيعمل دعايه بس هل الدعايه اللى بيعملها بتكون اعلان فى التليفزيون او فى الجرايد
طبعا لا بس الدعايه بتاعته بتبقى فى النطاق بتاعه
ازاى
الدعايه بتاعته حتلاقيها من اول الاكياس اللى كاتب عليها اسم المحل ودى دعايه مهمه على فكره لان فيه ناس كتير مش بترمى الكياس
وحتلاقى الدعايه دى برضه قائمه الاسعار اللى حاططها بره
وكمان فى يافطه المحل وساعات فى اليفط الصغيره ( اسمها فوانيس ) اللى بتلاقيها على قمه الشارع
نروح برضه لمثال كمان حلو
الدكتور
من المعروف ان اى دكتور لما بيفتح عياده بيعتمد اكتر على مهارته علشان ده يجيبله الزباين
يعنى بيعمل دعايه بمهارته
بس مش بيعتمد على مهارته بس ليه
لانه لو كان بيعتمد على مهارته وخبراته بس مكانش كتب اسمه على الروشته اللى بيديهالك
ومكانش كتب اسمه على اليافطه بتاعه العياده
ومكانش عمل لنفسه كروت شخصيه
ومكانش عمل لنفسه اعلانات فى الشوارع
بالتالى يا جماعه
الفكره اللى عاوز اوصلهالكم
ان اى حد بيقوم بنشاط مهما كان النشاط ده صغير بيحتاج للدعايه جدا
عاوز اوصلكم فكره ان اى حاجه عليها اى اسم لاى محل او اى منتج دى عباره عن دعايه
مهما كان المحل ده صغير ومهما كان المنتج مش مهم ومهما كان اللى بيعمل الدعايه ده مشهور اساسا
قيس كل الكلام ده على كل محل بتشوفه فى الشارع
وكمان قيسه على عيادات الدكاتره ومكاتب المحامين وشركات الكمبيوتر
ومراكز التدريب والمعاهد واى حاجه فاتحه علشان تكسب فلوس
فهمنا كده بقى يعنى ايه اعلان
نروح بقى لانواع الاعلانات
انواع الاعلانات كتيره اوى يا جماعه ومتشعبه وقابله للتطوير فى اى وقت وممكن اى فكره بسيطه تبقى اعلان ويكسر الدنيا
وانواع الاعلانات هى:
1- الاعلانات المطبوعه : وهيا دى اللى بتهمنا فى الاساس وتشمل اعلانات الصحف والمجلات والدوريات والمنشورات والملصقات
2 - الاعلانات الخارجيه : وهى اعلانات الشوارع والمعارض والاعلانات اللى على العمارات وعلى الاتوبيسات
3 - الاعلانات المسموعه : وهى الاعلانات الاذاعيه
4 - الاعلانات المرئيه المسموعه : وهى اعلانات التليفزيون ودى المنتشره اكتر وكمان فيه اعلانات السينيمات
5 - الاعلانات على شبكه الانترنت : ودى مكنتش موجوده قبل كده وظهرت مع تطور عالم الانترنت وزياده اعداد المستخدمين
وعلى فكره حنعرف بعد كده ان اعلانات الانترنت مهمه جدا جدا
6 - الاعلانات على الموبايل: ودى برضه ظهرت بعد زياده مستخدمين الموبايل
دلوقتى يا جماعه انتوا كده اخدتوا فكره عن الاعلان وانواعه
نيجى بقى للجزء اللى يهمنا وهو عن الخدمات اللى بتقوم بيها مكاتب الدعايه والاعلان
وانا اقصد المكاتب العاديه مش الوكالات الكبيره لان دى شغلها كبير اوى وعلشان توصلها لازم تاخد الخبره العمليه فى المكاتب العاديه
مكاتب الدعايه والاعلان العاديه بتشتغل فى
الكروت الشخصيه
الورق المطبوع ( فلاير)
اليفط بانواعها ( البنر والفيلكس والفنيل)
الاكياس المطبوعه
النتائج والاجندات المطبوعه
الاوراق والسجلات التجاريه ( طباعه دفاتر وفواتير التجار والشركات وروشتات العيادات وفولدرات المحامين )
تصميم مواقع وصفحاب الويب ( وده مش كل المكاتب بتشتغل فيه)
دى يا جماعه الحاجات اللى بتشتغل فيها مكاتب الدعايه والاعلان علشان يبقى عندكم فكره وكمان ان شاء الله فى الدروس اللى جايه حناخد الحاجات دى
بالتفصيل الممل من اول فكرتها وكيفيه تصميمها بسهوله وفى اسرع وقت ولغايه طبعها
وملحوظه هامه جدا قبل ما انهى درس النهارده
اهم حاجه بتهم شركه الدعايه فى المصمم اللى شغال انه يكون سريع بمعنى انه لما يتطلب منك تصميم كارت شخصى المفروض
مياخدش منك اكتر من عشر دقايق او ربع ساعه بالكتير وفى نفس الوقت يكون التصميم كويس
وخلى بالكم ده شىء مش صعب ولا مستحيل لان الاستخدام التجارى للفوتوشوب غير الاستخدام الابداعى
بمعنى ان المكتب مش بيطلب منك تطلع ابداعاتك كلها فى التصميم كل اللى بيتطلب منك افكار وتصميم كويس وخلاص
علشان كده لما واحد فيكم يشتغل مع الوقت حيلاقى نفسه بيصمم بسرعه وهوه مغمض
انا عن نفسى اول ما بدأت اشتغل فى المجال ده كنت باصمم الكارت الواحد فى حوالى ساعه
دلوقتى الحمد لله فى خلال الساعه دى اقدر اصمم خمس كروت وممكن اكتر
ومعلش يا جماعه الموضوع دلوقتى كله نظرى بس زى ما قولتلكم ده تمهيد مهم جدا لابد منه وان شاء الله فى الدروس الجايه حتعرفوا اكتر اهميه الدرس ده
واشوفكم الدرس الجاى ان شاء الله
واللى عنده اتستفسار يقول وانا ان شاء الله حارد بسرعه على قد ما اقدر
والسلام عليكم

__________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mahmoud_online20
الاشراف العام للمنتديات
الاشراف العام للمنتديات
avatar

المساهمات : 1398
تاريخ التسجيل : 18/10/2008
العمر : 29
الموقع : http://allfriends.alafdal.net

مُساهمةموضوع: رد: كيف تصبح مصمم ناجح فى شركه دعايه واعلان(تمهيد لابد منه)   السبت ديسمبر 06, 2008 5:41 pm

مشكور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://allfriends.alafdal.net
*~galaxy~*
مشرفة
مشرفة
avatar

المساهمات : 1506
تاريخ التسجيل : 28/10/2008
العمر : 28

مُساهمةموضوع: رد: كيف تصبح مصمم ناجح فى شركه دعايه واعلان(تمهيد لابد منه)   السبت ديسمبر 06, 2008 8:15 pm

جزاك الله كل خير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كيف تصبح مصمم ناجح فى شركه دعايه واعلان(تمهيد لابد منه)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
MUFIC-ONLINE :: الجرفيكس و الفلاش-
انتقل الى: